PQ-141 ijrosi doirasidagi bunyodkorlik ishlari deputat tomonidan o‘rganildi

Xalq deputatlari Termiz tuman Kengashi 3-Nurafshon saylov okrugi deputati K.Abdullayeva Termiz tuman hokimligining mas'ul vakili bilan birgalikda Nurafshon MFY hududida O‘zbekiston Respublikasi Prezidentining PQ-141-son qarori ijrosi doirasida amalga oshirilayotgan bunyodkorlik ishlari bilan tanishdi.

O‘rganish davomida hududda toza ichimlik suvi tarmoqlarini tortish hamda ichki yo‘llarni toshlash ishlari joyiga chiqqan holda ko‘zdan kechirildi. Amalga oshirilayotgan ishlarning sifati, qurilish-montaj ishlarining borishi va belgilangan muddatlarda yakunlanishi yuzasidan mas'ullar bilan muhokama olib borildi.

Shuningdek, hudud aholisini sifatli ichimlik suvi bilan ta'minlash va ichki yo‘llar infratuzilmasini yaxshilashga qaratilgan ishlar yuzasidan fikr almashilib, aniqlangan masalalar bo‘yicha tegishli tavsiyalar berildi. Mazkur bunyodkorlik ishlari deputatlik nazoratida davom ettirilishi ta'kidlandi.