Xalq deputatlari Chilonzor tumani Kengashi deputati Tashmuhammedova Muhabbat Baxtiyorovna Mahalliy Kengash deputati faoliyatining eng muhim yo‘nalishlari bo‘yicha tavsiyalarning– aholi bandligini ta’minlash masalalari yuzasidan o‘zining 24-Botirma saylov okrugi hududida istiqomat qiluvchi fuqarolar bilan uchrashuv o‘tkazdi.
Uchrashuv davomida aholi bandligini ta’minlash, xususan, xotin-qizlar bandligini oshirish, ularni doimiy ish bilan ta’minlash, kasb-hunarga o‘qitish, tadbirkorlik faoliyatini yo‘lga qo‘yish hamda davlat tomonidan yaratilayotgan imtiyoz va imkoniyatlardan samarali foydalanish masalalari muhokama qilindi.
Shuningdek, uchrashuvda ishtirok etgan fuqarolarning bandlik bilan bog‘liq murojaat va takliflari tinglanib, ularni hal etish yuzasidan mas’ul tashkilotlar bilan hamkorlikda amaliy choralar ko‘rish bo‘yicha tegishli tavsiyalar berildi.
Bunday uchrashuvlar aholi, ayniqsa xotin-qizlarning iqtisodiy faolligini oshirish, ularning daromad manbalarini ko‘paytirish hamda hududda bandlik ko‘rsatkichlarini yaxshilashga xizmat qiladi.