Xalq deputatlari Paxtakor tumani Kengashi deputati Z.Shodmonov Bog‘ishamol mahallasi Qoramirza qishlog‘ida amalga oshirilayotgan oqar suv tarmog‘i loyihasi ijrosi bilan tanishdi.

O‘rganish davomida loyiha to‘liq va samarali ishlashi uchun suv nasoslarini elektr energiyasi bilan ta’minlash maqsadida elektr uzatish ustunlari (simyog‘ochlar) o‘rnatish zarurligi aniqlandi.

Mazkur masala loyiha ijrosini jadallashtirish hamda aholini oqar suv bilan uzluksiz ta’minlashda muhim ahamiyat kasb etishi ta’kidlandi.

Shu munosabat bilan deputat tomonidan mas’ul tashkilotlarga deputatlik so‘rovi kiritilishi, elektr ta’minoti bilan bog‘liq muammoni qisqa muddatlarda hal etish hamda zarur elektr ustunlarini o‘rnatish bo‘yicha amaliy choralar ko‘rilishi yuzasidan tegishli takliflar bildirildi.