Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna tomonidan o‘zi saylangan okrug hududidagi “Oybek” mahallasining Vatan hamda Ziyolilar ko‘chalarida yashovchi aholi bilan uchrashuv o‘tkazildi.Uchrashuv davomida fuqarolar tomonidan hududdagi mavjud muammolar yuzasidan murojaatlar bildirildi. Xususan, Ziyolilar ko‘chasida elektr energiyasi kuchlanishining pastligi sababli yangi transformator o‘rnatish zarurligi ta’kidlandi. Shuningdek, Vatan va Ziyolilar ko‘chalarida ayni vaqtda ichimlik suvi ta’minotida uzilishlar kuzatilayotgani ma’lum qilindi.Bildirilgan muammolar deputat tomonidan qayd etilib, ularni tegishli tashkilotlar bilan hamkorlikda o‘rganish va amaliy yechim topish choralari belgilandi.