Xalq deputatlari Chilonzor tumani Kengashi deputati Mahmudova Donoxon Artikovna 3-“Charx Kamolon” mahalla fuqarolar yig‘ini raisi A. Sattorov bilan birgalikda mahalla hududida joyiga chiqib o‘rganish ishlarini amalga oshirdi.

O‘rganish davomida mahallaning ichki ko‘chalari, obodonlashtirish holati, muhandislik-kommunikatsiya tarmoqlari, sanitariya va ekologik ahvol hamda aholini qiynab kelayotgan dolzarb masalalar atroflicha ko‘zdan kechirildi.

Shuningdek, hududda istiqomat qiluvchi fuqarolar bilan ochiq muloqot o‘tkazilib, ularning murojaat va takliflari tinglandi. Aniqlangan muammolarni bartaraf etish yuzasidan tegishli mutasaddi tashkilotlarga masalalar kiritish hamda ularning ijrosini deputatlik nazorati asosida monitoring qilib borish belgilandi.