O‘zbekiston Respublikasi Prezidentining PQ-393-son qarori asosida Pastdarg‘om tumanida ijtimoiy soha obyektlarini rekonstruksiya qilish va yangi binolar qurish bo‘yicha ishlar amalga oshirilmoqda.

Esaboy MFYdagi 43-son umumta’lim maktabini rekonstruksiya qilish, qo‘shimcha 240 o‘rinli o‘quv binosi qurish loyihasi doirasida qurilish ishlari jadal sur’atlarda olib borilmoqda.

Xalq deputatlari tuman Kengashi deputati M. Altibayeva mazkur obyektda bo‘lib, qurilish ishlari jarayoni bilan tanishdi.

O‘rganish davomida bajarilayotgan ishlarning sifati, loyiha talablariga muvofiqligi, belgilangan muddatlarga rioya etilishi masalalariga e’tibor qaratildi.

Deputat tomonidan qurilish ishlarini sifatli va o‘z vaqtida yakunlash, o‘quvchilar uchun zamonaviy va qulay ta’lim sharoitlarini yaratish yuzasidan tavsiyalar berildi.

Mazkur loyiha maktab o‘quv quvvatini oshirish, ta’lim sifati uchun zarur infratuzilmani mustahkamlashga xizmat qiladi.