Xalq deputatlari Qo‘qon shahar Kengashi deputati, Kengashning "Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha" doimiy komissiyasi a’zosi X.Abdullayev hamda Kengash kotibiyati bosh mutaxassisi A.Adxamov tomonidan Qo‘qon shahar Soliq inspeksiyasida o‘rganish ishlari olib borildi.

O‘rganish davomida Qo‘qon shahar Soliq inspeksiyasi boshlig‘i A.Xamraqulov bilan joriy yilning iyun oyi yakunlari bo‘yicha mahalliy byudjet daromadlari reja ko‘rsatkichlari ijrosi, soliq tushumlarini oshirish, soliq va soliqqa oid huquqbuzarliklarning oldini olish hamda boqimanda qarzdorliklarni undirish borasida amalga oshirilayotgan ishlar muhokama qilindi.

Shuningdek, mahalliy byudjet daromadlarini ko‘paytirish maqsadida qo‘shimcha daromad manbalarini aniqlash, soliqqa tortish bazasini kengaytirish, yashirin iqtisodiyot holatlarining oldini olish hamda soliq intizomini mustahkamlash yuzasidan olib borilayotgan chora-tadbirlar bilan yaqindan tanishildi.

O‘rganish jarayonida mas’ullar tomonidan reja ko‘rsatkichlarining o‘z vaqtida va to‘liq bajarilishini ta’minlash, soliq ma’murchiligini yanada takomillashtirish hamda tadbirkorlik subyektlari bilan samarali hamkorlikni kuchaytirish masalalari yuzasidan fikr almashildi.

O‘rganish yakunida mahalliy byudjet daromadlarini oshirish, soliq tushumlarini barqaror ta’minlash va yashirin iqtisodiyotga qarshi kurashish bo‘yicha olib borilayotgan ishlar yuzasidan tegishli tavsiyalar berildi.

Xalq deputatlari Qo‘qon shahar Kengashi