Tuman Kengashi deputati A. Saydaliyev hamda kotibiyat mudiri G. Tursunova tomonidan "Turkiston" mahallasida faoliyat yuritayotgan ijtimoiy xodimning ish faoliyati o‘rganildi.

O‘rganish davomida mahallada ijtimoiy himoyaga muhtoj oilalar, nogironligi bo‘lgan fuqarolar, yolg‘iz keksalar hamda kam ta'minlangan oilalar bilan olib borilayotgan ishlar holati ko‘zdan kechirildi. Shuningdek, "Inson" ijtimoiy xizmatlar markazi bilan hamkorlik, fuqarolarning murojaatlarini qabul qilish va ularni hal etish bo‘yicha amalga oshirilayotgan ishlar tahlil qilindi.
Ijtimoiy xodim tomonidan ehtiyojmand fuqarolarning ijtimoiy holatini o‘rganish, ularga tegishli yordam choralarini belgilash, ijtimoiy xizmat va yordamlarni o‘z vaqtida yetkazish yuzasidan tizimli ishlar olib borilayotgani qayd etildi.

O‘rganish yakunida mahalladagi mavjud muammolar va kamchiliklar muhokama qilinib, ularni bartaraf etish bo‘yicha tegishli tavsiya va takliflar berildi.