Xalq deputatlari Vobkent tumani Kengashi kotibiyati mudiri, tuman Kengashi deputati M.Naimova hamda tuman Kengashi kotibiyati bosh mutaxassisi B.Navroʻzov bilan birgalikda tumandagi 29-son Shodlik madaniyat markazida boʻlib, muassasa faoliyati, moddiy-texnik bazasi va yoshlar uchun tashkil etilgan toʻgaraklar faoliyatini oʻrgandilar.

🔍 Oʻrganishlar davomida markazda 5 nafar oliy maʼlumotli madaniyat xodimi faoliyat yuritayotgani hamda 7 ta toʻgarakda 78 nafar oʻquvchi-yoshlar muntazam taʼlim olayotgani maʼlum boʻldi.

🎭 Shuningdek, yoshlarning boʻsh vaqtlarini mazmunli tashkil etish maqsadida “Dolzarb 90 kun” dasturi doirasida qator madaniy-maʼrifiy tadbirlar amalga oshirilayotgani qayd etildi.

👥 Madaniyat markazi xodimlari va toʻgarak qatnashchilari bilan boʻlib oʻtgan muloqotlarda mavjud imkoniyatlardan samarali foydalanish, yoshlarning ijodiy salohiyatini rivojlantirish hamda sohadagi ayrim muammolarni bartaraf etish yuzasidan fikr-mulohazalar almashildi.

✅ Oʻrganish yakunida markaz faoliyatini yanada takomillashtirish, yoshlarni madaniyat va sanʼatga keng jalb qilish boʻyicha tegishli tavsiyalar berildi.