Xalq deputatlari tuman Kengashi deputati X.Xamidov, tuman Kengashi kotibiyati bosh mutaxassislari J.Axmadaliyev hamda G.Abduvositovalar Mingchinor mahallasi hududida qurilishi rejalashtirilgan briket ko‘mir ishlab chiqarish korxonasi uchun ajratilgan yer maydonida bo‘lib, loyihaning amalga oshirilish jarayonlari bilan
tanishdilar. Tashrif davomida mazkur korxona qurilishi uchun zarur shart-sharoitlarni yaratish bo‘yicha amalga oshirilayotgan ishlar ko‘zdan kechirildi. Xususan, korxona uchun belgilangan tartibda yer maydoni ajratilgani hamda ishlab chiqarish jarayonini barqaror elektr energiyasi bilan ta’minlash maqsadida yangi transformator o‘rnatilgani aniqlandi. Briket ko‘mir ishlab chiqarish korxonasining ishga tushirilishi aholini sifatli va arzon yoqilg‘i mahsulotlari bilan ta’minlashga xizmat qiladi. Ayniqsa, qish mavsumida aholining yoqilg‘iga bo‘lgan ehtiyojini qondirish, xonadonlarda isitish tizimidan samarali foydalanish imkoniyatlarini kengaytirishda muhim ahamiyat
kasb etadi.