Xalq deputatlari Nurobod tumani Kengashi deputati B.Sanaev tomonidan tumandagi Jarquduq mahallasida aholi bilan hamkorlikda qabriston hududini obodonlashtirish ishlari tashkil etildi.

🔘Mazkur xayrli tashabbus doirasida qabriston hududi tartibga keltirilib, tozalik va obodonlashtirish ishlari olib borildi. Shuningdek, fuqarolarning taklif va istaklari inobatga olinib, qabristonga yangi darvoza o‘rnatish ishlari amalga oshirildi.
Ushbu tashabbus mahalla aholisining birligi, hamjihatligi va muqaddas qadamjolarga bo‘lgan hurmatining amaliy ifodasi bo‘lib, hududni yanada obod va ko‘rkam etishga xizmat qilmoqda.

🔘Xalq deputatlari Nurobod tumani Kengashi deputatlari tomonidan joylarda aholi bilan hamkorlikda amalga oshirilayotgan bunday ezgu ishlar fuqarolarning ijtimoiy faolligini oshirish, mahallalarda obodonlashtirish va bunyodkorlik ishlarini kengaytirishda muhim ahamiyat kasb etmoqda.