#Doimiy_komissiya_faoliyati

Xalq deputatlari tuman Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi raisi B.Shakarov G‘allakor mahallasida mahalla raisi bilan birgalikda aholi bilan uchrashdi.

Uchrashuv davomida fuqarolar bilan tomorqa va dehqonchilikdan samarali foydalanish, g‘alladan bo‘shagan yer maydonlariga takroriy ekinlar ekish hamda aholi daromadlarini oshirish masalalari muhokama qilindi. Shuningdek, bo‘sh turgan yer maydonlaridan unumli foydalanish, sabzavot, poliz va boshqa qishloq xo‘jaligi ekinlarini yetishtirish orqali oziq-ovqat xavfsizligini ta’minlash va xonadonlar daromadini ko‘paytirish yuzasidan tavsiyalar berildi.

Suhbat davomida mahalla aholisiga yer resurslaridan oqilona foydalanish, hosildorlikni oshirish hamda hududlarni obodonlashtirish va ko‘kalamzorlashtirish ishlarida faol ishtirok etish muhimligi ta’kidlandi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|