🇺🇿Туман ҳокимлигида мурожаатлар билан ишлаш платформаси ижроси таҳлил қилинди

✅ Халқ депутатлари туман Кенгашининг Коррупцияга қарши курашиш ва хавфсизлик масалалари бўйича доимий комиссияси раиси В.Эргашев ҳамда туман Кенгаши бош мутахассиси А.Абдуфатоев томонидан туман ҳокимлигининг мурожаатлар билан масъул ходимлари билан платформа орқали келиб тушган мурожаатларнинг ижро ҳолати ўрганилиб, таҳлил қилинди. 📊

✅ Таҳлил жараёнида фуқаролар мурожаатларининг кўриб чиқилиш муддатлари, ижро интизоми, мурожаатларда кўтарилган масалаларнинг ҳал этилиш даражаси ҳамда амалий натижалар атрофлича кўриб чиқилди. 🔍

Шунингдек, масъул ташкилотлар томонидан мурожаатларга муносабат билдириш сифати, ижро самарадорлиги ва аҳолини қийнаётган муаммоларни бартараф этиш бўйича амалга оширилган ишлар таҳлил этилди. 📋

Ўрганиш натижаларига кўра, аниқланган камчиликларни бартараф этиш, мурожаатларни ўз вақтида ва сифатли ҳал этиш, ижро интизоми янада мустаҳкамлаш юзасидан тегишли тавсия ва таклифлар ишлаб чиқилди. 🤝

Фуқаролар мурожаатларини самарали кўриб чиқиш, уларнинг ҳуқуқ ва қонуний манфаатларини таъминлаш ҳамда давлат органлари фаолияти очиқлиги ва ҳисобдорлигини кучайтириш масалалари доимий назоратда сақланмоқда. ✅