Xalq deputatlari Bag‘dod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishi bo‘lib o‘tdi.

👥 Yig‘ilishda Xalq deputatlari Bag‘dod tumani Kengashi raisi, ekspert guruhi hamda Yoshlar maslahat guruhi a’zolari ishtirok etdi.

📋 Kun tartibida tumandagi yoshlarning yozgi ta’til davrini mazmunli, samarali va xavfsiz tashkil etish, ularning bo‘sh vaqtlarini foydali mashg‘ulotlarga jalb qilish hamda iqtidor va qobiliyatlarini ro‘yobga chiqarishga qaratilgan “Dolzarb 90 kun” chora-tadbirlar dasturini tasdiqlash masalasi muhokama qilindi.

💬 Muhokamalar davomida dastur doirasida amalga oshiriladigan chora-tadbirlar, yoshlarning bo‘sh vaqtini mazmunli tashkil etish va ularni sport, madaniyat, ma’naviyat hamda kasb-hunarga oid tadbirlarga keng jalb etish yuzasidan taklif va mulohazalar bildirildi.

✅ Yig‘ilish yakunida mazkur masalani Xalq deputatlari Bag‘dod tumani Kengashining navbatdagi sessiyasi kun tartibiga kiritish yuzasidan tegishli qaror qabul qilindi.