Xalq deputatlari Gʻallaorol tuman Kengashi deputati I. Ravshanov “Ko‘kbuloq” mahallasida bo‘lib, aholi farovonligi va ijtimoiy muhitni yanada yaxshilash yo‘lida faoliyat olib borayotgan ijtimoiy hodimning ish faoliyati bilan tanishdi. Tashrif davomida deputat mahallada amalga oshirilayotgan ishlar, aholining ijtimoiy qo‘llab-quvvatlanishi, ehtiyojmand oilalar bilan ishlash, yoshlar va xotin-qizlarni bandlikka jalb etish bo‘yicha olib borilayotgan chora-tadbirlar haqida ma’lumotlar oldi. Suhbat jarayonida mahalla ahlini qiynayotgan ayrim masalalar muhokama qilinib, ularni hal etish yuzasidan taklif va mulohazalar bildirildi. Ijtimoiy hodim tomonidan amalga oshirilayotgan tashabbuslar mahallada ijtimoiy barqarorlikni ta’minlash va aholining turmush darajasini yaxshilashga xizmat qilayotgani ta’kidlandi.