Xalq deputatlari Gʻallaorol tuman Kengashi deputatlari A. Xazratqulov va S. Ishimova mahallalarda bo‘lib, aholi uchun qulay shart-sharoitlar yaratish hamda infratuzilmani yaxshilash bo‘yicha amalga oshirilayotgan ishlar bilan tanishdi.Tashrif davomida hududlarda ichki yo‘llarni ta’mirlash, elektr energiyasi, ichimlik suvi va gaz ta’minotini yaxshilash, ko‘chalarni obodonlashtirish hamda aholiga kommunal xizmatlar ko‘rsatish sifatini oshirish borasida olib borilayotgan ishlar ko‘zdan kechirildi. Shuningdek, mahalla faollari va aholi vakillari bilan muloqot o‘tkazilib, infratuzilmaga oid mavjud muammolar, ularni hal etish yuzasidan amalga oshirilayotgan chora-tadbirlar hamda kelgusidagi rejalar muhokama qilindi.