Xalq deputatlari Andijon shahar Kengashi deputatlari tomonidan aholi murojaatlari va hududlardagi muammolarni o‘rganish hamda ularni hal etish yuzasidan mahallalarda muntazam o‘rganish ishlari olib borilmoqda.

Navbatdagi o‘rganishlar davomida Andijon shahar “Hamkorlik” MFY hududidagi eski Osh ko‘chasida ariqdan qazib chiqarilgan chiqindilar uzoq vaqt davomida olib chiqib ketilmaganligi aniqlandi.

Natijada mazkur hududda loy va tuproq uyumlari hosil bo‘lib, atrof-muhitning ifloslanishi hamda ekologik vaziyatning yomonlashuviga sabab bo‘lmoqda. Ushbu holat mahalla aholisining haqli e’tirozlariga sabab bo‘layotgani qayd etildi.

Mazkur muammoni zudlik bilan bartaraf etish va hududni obodonlashtirish choralarini ko‘rish maqsadida Andijon shahar Obodonlashtirish boshqarmasiga deputat so‘rovi yuborildi.

Muammo ijrosi deputatlik nazoratiga olindi.