Xalq deputatlari Oqoltin tumani Kengashi deputati - tuman hokimi X.Suvonov, Viloyat Kengashi deputati M.Sulaymonov, O‘zLiDeP Sirdaryo viloyati apparat rahbari Sh.Bozorboyeva hamda tuman Kengashi deputatlari ishtirokida fuqarolar bilan sayyor qabul bo‘lib o‘tdi.

Qabulda tuman Kengashi deputatlari G.Islamova, D.Egamqulova, Y.Berdiyarovlar fuqarolar tomonidan bildirilgan murojaat va takliflarni o‘rganishda faol qatnashdilar.

Qabul davomida fuqarolar va tadbirkorlar tomonidan bandlik, tadbirkorlik faoliyatini rivojlantirish, infratuzilma, kommunal xizmatlar, uy-joy, yer masalalari hamda boshqa yo‘nalishlarga oid murojaatlar tinglandi.

Har bir murojaat yuzasidan tegishli tashkilot va mutasaddi rahbarlar ishtirokida atroflicha muhokama o‘tkazilib, ayrim masalalar joyida ijobiy hal etildi. Qo‘shimcha o‘rganish talab etadigan murojaatlar bo‘yicha mas’ullarga aniq topshiriqlar berilib, ijrosi nazoratga olindi.