O‘zbekiston Respublikasining “Turizm to‘g‘risida”gi Qonuni 2019-yil 18-iyulda qabul qilingan bo‘lib, mazkur Qonun turizm sohasidagi munosabatlarni tartibga solish, turizm xizmatlari bozorini rivojlantirish hamda turistlar va turizm faoliyati subyektlarining huquq hamda qonuniy manfaatlarini himoya qilishga qaratilgan.

Mazkur Qonunning asosiy maqsadi — O‘zbekiston Respublikasida turizm sohasini rivojlantirish uchun qulay shart-sharoitlar yaratish, mamlakatning turizm salohiyatidan samarali foydalanish, turizm infratuzilmasini takomillashtirish hamda ichki va xalqaro turizmni rivojlantirishdan iborat.

Qonunga muvofiq, turizm — jismoniy shaxsning doimiy yashash joyidan sog‘lomlashtirish, ma’rifiy, kasbiy-amaliy, sport, diniy va boshqa maqsadlarda vaqtincha chiqishi bilan bog‘liq faoliyatdir.

Mazkur Qonunda:

turizm sohasidagi davlat siyosatining asosiy yo‘nalishlari;

turizm faoliyati subyektlarining huquq va majburiyatlari;

turistlarning huquqlari va xavfsizligini ta’minlash;

turistik xizmatlar ko‘rsatish tartibi;

turizm infratuzilmasini rivojlantirish masalalari belgilab qo‘yilgan.


Shuningdek, Qonunda turoperatorlar, турагentlar, joylashtirish vositalari, ekskursiya faoliyati subyektlari va boshqa turizm tashkilotlarining faoliyati huquqiy jihatdan tartibga solingan.

Mazkur hujjatda turistlarning hayoti, sog‘lig‘i va mol-mulki xavfsizligini ta’minlash, ularga sifatli xizmat ko‘rsatish hamda turistik mahsulotlar to‘g‘risida ishonchli axborot taqdim etish masalalariga alohida e’tibor qaratilgan.

Qonunda ichki turizm, kirish turizmi va chiqish turizmini rivojlantirish, turizm sohasiga investitsiyalar jalb etish, tarixiy-madaniy meros obyektlarini asrab-avaylash hamda turizm infratuzilmasini modernizatsiya qilish bo‘yicha muhim normalar ham nazarda tutilgan.

“Turizm to‘g‘risida”gi Qonun O‘zbekistonning xalqaro turizm bozoridagi raqobatbardoshligini oshirish, yangi ish o‘rinlarini yaratish, hududlarning iqtisodiy rivojlanishini rag‘batlantirish hamda mamlakatning turistik jozibadorligini yuksaltirishga xizmat qiluvchi muhim normativ-huquqiy hujjatlardan biri hisoblanadi.