Pastdarg‘om tumanida tashkil etilgan navbatdagi sayyor qabul fuqarolar bilan ochiq va samarali muloqot maydoniga aylandi.

Go‘zalkentdagi “Yoshlar istirohat” bog‘ida o‘tkazilgan uchrashuvda deputatlar hamda mutasaddi tashkilot rahbarlari ishtirok etib, aholining dolzarb muammolari tinglandi.

📌 Qabulda ichki yo‘llarni ta’mirlash, elektr ta’minotini yaxshilash, aholi bandligini ta’minlash, xotin-qizlar va yoshlarni tadbirkorlikka jalb etish kabi muhim masalalar ko‘tarildi.

👥 Qariyb 300 nafar fuqaro qatnashgan sayyor qabulda 70 dan ortiq murojaat kelib tushdi.

Quvonarlisi, ularning 20 tadan ziyodi shu joyning o‘zida ijobiy hal etildi.

✅ Jumladan:
— Mash’al MFY fuqarosi Dildora Haydarovaning suyultirilgan gaz ta’minoti bo‘yicha murojaati;
— Mehnat MFYidan Tursunoy Mamasoliyeva uchun davolanish orderi ajratish haqidagi murojaat ijobiy yechim topdi.

🤝 Xalq bilan muloqot - xalq ishonchi va farovonligi yo‘lidagi muhim qadamdir.