Xalq deputatlari tuman Kengashi deputati Nafosat Allaberganova deputatlar faoliyatining muhim yo‘nalishlaridan biri bo‘lgan mahalladagi soliq inspektori zimmasiga yuklatilgan vazifalar samaradorligi yuzasidan o‘rganish o‘tkazdi.

O‘rganish davomida “Saxovat” mahallasida 778 nafar jismoniy va 18 ta yuridik soliq to‘lovchi mavjudligi qayd etildi. 2026-yil 22-may holatiga ko‘ra jami soliq tushumlari rejasi 748 mln so‘m etib belgilangan bo‘lib, amalda 618,2 mln so‘m yoki 82,6 foiz bajarilgan.

Jismoniy shaxslardan tushum rejadagi 370 mln so‘m o‘rniga, yil boshidan qolgan 75 nafar jismoniy shaxsning 42 mln so‘mlik boqimanda qarzi bilan birgalikda 462 mln so‘mni tashkil etib, reja 124,9 foizga bajarilgan.

Shuningdek, aholi o‘rtasida soliq qonunchiligini targ‘ib qilishda deputatlar hamda mahalla “yettiligi” faollarini keng jalb etish yuzasidan deputat N.Allaberganova tomonidan tegishli tavsiyalar berildi.