Bandixonning "Mustaqillik" ko‘chasi 24/7 rejimida faoliyat yuritadi!

✅Bandixon MFY hududidagi markaziy ko‘chalardan biri — "Mustaqillik" ko‘chasining 800 metr qismini tun-u kun faoliyat yuritadigan (24/7) zamonaviy manzilga aylantirish loyihasi qizg‘in pallaga kirdi.

🚨Bugun Xalq deputatlari Bandixon tumani Kengashi deputati X.Abdimo'minov Bandixon MFY "Mustaqillik" ko‘chasida olib borilayotgan bunyodkorlik ishlari bilan yaqindan tanishdi.

✅Loyiha doirasida nimalar kutilmoqda?

✅Tungi yoritish tizimi: Ko‘cha bo‘ylab zamonaviy energotejamkor chiroqlar o‘rnatilib, hudud tuni bilan yorug‘ bo‘lishi ta’minlanadi.

✅Savdo va xizmat ko‘rsatish: Tadbirkorlik subyektlari uchun qulay sharoitlar yaratilib, aholiga sutkasiga 24 soat davomida sifatli xizmat ko‘rsatish yo‘lga qo‘yiladi.

✅Aholi dam olish maskanlari: Piyodalar yo‘lakchalari, o‘rindiqlar va obodonlashtirish ishlari orqali ko‘cha tuman aholisining sevimli sayrgohiga aylanadi.

🚨"Maqsadimiz — tumanimiz aholisi va mehmonlari uchun xavfsiz, yorug‘ va qulay sharoitlarni yaratish, shu bilan birga mahalliy tadbirkorlikni yangi bosqichga olib chiqishdir", — deyiladi o‘rganish jarayonida.

✅Hozirda qurilish-montaj ishlari sifatli va belgilangan muddatlarda yakunlanishi bo‘yicha tegishli mas’ullarga tavsiyalar berildi.

Bugun amalga oshirilayotgan har bir bunyodkorlik va yangilanish ishlari — inson manfaatlari, xalqimizning farovon va osoyishta hayoti uchun xizmat qiladi. Hududlarda infratuzilmani yaxshilash orqali kelajak avlodlar uchun mustahkam poydevor yaratilmoqda.