Xalq deputatlari tuman Kengashi deputati Z.Abduraimova 2-sonli davlat maktabgacha ta’lim tashkiloti faoliyatini o‘rgandi.
O‘rganish davomida tarbiyalanuvchilar uchun yaratilgan sharoitlar, oshxona faoliyati alohida o‘rganilib, oziq-ovqat mahsulotlarining sifati va saqlanish muddati, mahsulotlarning belgilangan tartibda omborxonalarda saqlanishi, taomnoma asosida ovqat tayyorlanishi hamda bolalarga berilayotgan oziq-ovqat ratsionining me’yorlarga muvofiqligi tahlil qilindi.
Muassasa ma’muriyatiga oziq-ovqat mahsulotlari sifatini doimiy nazorat qilib borish, sanitariya-gigiyena talablariga qat’iy rioya etish, ta’lim sifatini yanada oshirish hamda mavjud sharoitlarni asrab-avaylash yuzasidan tegishli tavsiyalar berildi.