Xalq deputatlari Qo‘qon shahar Kengashi deputati M.Yunusov o‘zi saylangan hudud - “Noib ko‘prigi” mahalla fuqarolar yig‘inida mahalla faollari bilan uchrashuv o‘tkazdi.

Uchrashuv davomida mahallada olib borilayotgan obodonlashtirish ishlari, hudud infratuzilmasini yaxshilash hamda aholini qiynab kelayotgan muammolar yuzasidan atroflicha fikr almashildi.

Muhokama qilingan asosiy masalalar:
Mahalla hududidagi ko‘chalarni tartibga keltirish va ko‘kalamzorlashtirish ishlari;
Aholini qiynab kelayotgan dolzarb muammolarni aniqlash va ularni bartaraf etish choralarini ko‘rish;
Hudud infratuzilmasini yaxshilash, ichki yo‘llar va kommunikatsiya tizimlarini bosqichma-bosqich tartibga keltirish bo‘yicha istiqboldagi rejalar.

Muloqot davomida mahalla faollari tomonidan hududdagi mavjud muammolar, fuqarolar murojaatlari hamda amalga oshirilishi zarur bo‘lgan ishlar yuzasidan qator takliflar bildirildi.

Deputat M.Yunusov tomonidan ko‘tarilgan masalalar nazoratga olinib, ularni tegishli tashkilotlar bilan hamkorlikda bosqichma-bosqich hal etish yuzasidan zarur chora-tadbirlar belgilab olindi.

Ta’kidlanganidek, bunday uchrashuvlar mahallalarda ochiq muloqotni kuchaytirish, fuqarolar muammolarini joyida o‘rganish hamda hududlarni yanada obod va farovon maskanga aylantirishda muhim ahamiyat kasb etadi.

Xalq deputatlari Qo‘qon shahar Kengashi