Xalq deputatlari Boyovut tuman hamda Sirdaryo viloyat Kengashlari deputatlari X.Berdiyarova va M.Xasanovalar tomonidan “Olmazor” mahallasida mahalla “yettiligi” vakillari hamda saylovchilar bilan uchrashuv o‘tkazildi.

Uchrashuv davomida fuqarolar tomonidan ko‘tarilgan murojaatlar atroflicha muhokama qilindi. Jumladan, mahalladagi oilaviy shifokorlik punktining ta’mirtalab holatga kelib qolgani yuzasidan tuman Kengashi deputati X.Berdiyarova tomonidan ushbu masala bo‘yicha tuman hokimligiga deputat so‘rovi yuborilgani hamda olingan javobga ko‘ra obyekt tegishli dasturga kiritilgani haqida ma’lumot berildi.

Shuningdek, viloyat Kengashi deputati M.Xasanova tomonidan tuman “Suvta’minot” korxonasiga “Olmazor” mahallasi aholisini ichimlik suvi bilan ta’minlash holatini yaxshilash yuzasidan olib borilayotgan ishlar bo‘yicha saylovchilarga batafsil ma’lumot taqdim etilishi lozimligi ta’kidlandi.

So‘ngra mas’ul xodimlar tomonidan hududda amalga oshirilayotgan ishlar, mavjud muammolar hamda ularni bartaraf etish yuzasidan ko‘rilayotgan choralar haqida tushuntirishlar berildi. Uchrashuv davomida fuqarolarning taklif va murojaatlari tinglanib, ularni hal etish yuzasidan tegishli vazifalar belgilab olindi.