Doimiy komissiya yig'ilishi bo'lib o'tdi 

Xalq deputatlari Qo‘shko‘pir tumani Kengashining Mahalliy byudjet,
tadbirkorlikni rivojlantirish va iqtisodiy islohotlar masalalari bo‘yicha
doimiy komissiyasining navbatdagi yig‘ilishi bo‘lib o‘tdi.Yig‘ilishda
Qo‘shko‘pir tumani “Infratuzilma va ijtimoiy barqarorlik” jamg‘armasi
mablag‘lari hisobidan mablag‘ ajratish masalasi atroflicha muhokama qilindi.
Mazkur masala yuzasidan tuman hokimining birinchi o‘rinbosari Pirnapasov
Sirojbek Azamatovichning hisoboti tinglandi. 

Muhokamalar davomida deputatlar tomonidan hududlarda infratuzilmani
yaxshilash, aholi farovonligini oshirish hamda iqtisodiy islohotlar
samaradorligini ta’minlash yuzasidan taklif va mulohazalar bildirildi. 

Yig‘ilish yakunida kun tartibidagi masala yuzasidan tegishli qarorlar qabul
qilinib, ushbu masalani Xalq deputatlari Qo‘shko‘pir tumani Kengashining
navbatdagi sessiyasi muhokamasiga kiritish belgilandi.