Aholi farovonligi va huquqiy madaniyatini yuksaltirish yo‘lida hamkorlik

Xalq deputatlari Uzun tumani kengashi kotibiyat mudiri O‘.Rajabov tumandagi "Madad" nodavlat hisoblanadigan muassasa huquqiy maslahatxonasi vakillari bilan rasmiy uchrashuv o‘tkazdi.

Uchrashuvdan ko‘zlangan asosiy maqsad — tumanda istiqomat qiluvchi aholining, ayniqsa ijtimoiy himoyaga muhtoj qatlamning huquqiy ongi va madaniyatini oshirish, ularga beg‘araz huquqiy yordam ko‘rsatish tizimini yanada takomillashtirish hamda o‘zaro hamkorlikni yangi bosqichga olib chiqishdan iborat bo‘ldi.

📌 Uchrashuvda qanday masalalar muhokama qilindi?
Beg‘araz huquqiy ko‘mak: Tumandagi chekka hududlar va mahallalarda istiqomat qiluvchi fuqarolarga birlamchi bepul huquqiy maslahatlar berish ko‘lamini kengaytirish;

Mahallalarda Kengash deputatlari va "Madad" muassasasi huquqshunoslari ishtirokida qo‘shma sayyor qabullarni muntazam tashkil etish;
Huquqiy savodxonlik:

Aholi o‘rtasida qonunchilikdagi yangiliklar, tadbirkorlik faoliyati va ijtimoiy imtiyozlar bo‘yicha tushuntirish ishlarini kuchaytirish.