Hududdagi infratuzilma ishlari o‘rganildi

Xalq deputatlari tuman Kengashi kotibiyati mudiri K.Muhammadiyev “og‘ir hudud” toifasiga kiritilgan “Zarobod” mahallasida bo‘lib, hududda ichki ariqlarni o‘rnatish jarayoni bilan yaqindan tanishdi.

O‘rganish davomida amalga oshirilayotgan ishlarning sifati, belgilangan muddatlarga rioya etilishi hamda ichki sug‘orish va oqova suv tizimini yaxshilash orqali aholi uchun qulay sharoit yaratish masalalariga alohida e’tibor qaratildi.

Shuningdek, mahalla hududida olib borilayotgan infratuzilma ishlari yuzasidan mas’ullar bilan suhbat o‘tkazilib, mavjud muammolarni o‘z vaqtida bartaraf etish, ishlarni sifatli va samarali tashkil etish bo‘yicha tegishli tavsiya hamda ko‘rsatmalar berildi. Mazkur yo‘nalishdagi ishlar ijrosi nazoratga olindi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram

#K_Muhammadiyev