Xalq deputatlari Uchquduq tuman Kengashi kotibiyat mudiri M.Kamolova hamda kotibiyat bosh mutaxassisi T.Xaydarov tomonidan Uchquduq tumani Axborot-kutubxona markazi faoliyati o‘rganildi.

O‘rganish jarayonida markazdagi kitob fondi, kitobxonlarga yaratilgan sharoitlar, elektron xizmatlar hamda yoshlarning kitob mutolaasiga bo‘lgan qiziqishini oshirish borasidagi ishlar ko‘zdan kechirildi.

Ma’lum qilinishicha, Axborot-kutubxona markazi fondida 15 mingdan ortiq o‘zbek, rus va qozoq tillaridagi badiiy hamda ilmiy-ommabop adabiyotlar mavjud. Hozirgi kunda markazda 6 mingdan ortiq kitobxon ro‘yxatga olingan bo‘lib, ularga muntazam ravishda zamonaviy kutubxona xizmatlari ko‘rsatib kelinmoqda.

Shuningdek, mutasaddilar tomonidan yoshlar o‘rtasida kitobxonlik madaniyatini keng targ‘ib qilish, yangi adabiyotlar bilan fondni boyitish hamda kutubxona faoliyatini yanada rivojlantirish yuzasidan tegishli tavsiya va takliflar bildirildi.