Халк депутатлари Янгиқўрғон туман Кенгаши депутати Эргашева Мунисхон Рустамбековна томонидан ДЕПУТАТЛИК СЎРОВИ юборилди.
Оқтепа МФЙ ҳудудидаги Обод кўчасида аҳолини ичимлик суви билан таъминлаш масаласи юзасидан
Оқтепа МФЙ ҳудудидаги Обод кўчасига ичимлик суви тармоғи тортилган бўлишига қарамасдан, мазкур тармоқ ҳозирги кунда узиб қўйилганлиги сабабли аҳоли ичимлик суви таъминотида жиддий муаммоларга дуч келмоқда.
Айни пайтда фуқаролар эҳтиёж сабабли каналларда оқаётган сувдан фойдаланишга мажбур бўлмоқда. Ушбу сувлар санитария ва гигиена талабларига жавоб бермаслиги ҳамда ичимлик учун яроқсиз ҳисобланиши аҳоли саломатлигига салбий таъсир кўрсатиши мумкин.
Шу муносабат билан, “Халқ депутатлари вилоят, туман ва шаҳар Кенгаши депутати мақоми тўғрисида”ги Қонуннинг тегишли моддаларига асосан, Оқтепа МФЙ Обод кўчасидаги мавжуд ичимлик суви тармоғини қайта улаш, аҳолини тоза ва сифатли ичимлик суви билан узлуксиз таъминлаш масаласини ўрганиб, ижобий ҳал этишда амалий ёрдам кўрсатишингизни сўрайман.
Кўрилган чоралар юзасидан қонунчиликда белгиланган муддатда ёзма ахборот тақдим этишингизни сўрайман.