Tumandagi tadbirkorlar faoliyatini qo‘llab-quvvatlash va ularning muammolarini o‘rganish maqsadida xalq deputatlari Pastdarg‘om tuman Kengashi deputatlari joylarga chiqib, bevosita tadbirkorlar bilan uchrashuvlar o‘tkazdi.

 Tashrif davomida ularning ish jarayonlari, yaratilgan sharoitlar hamda mavjud muammolari atroflicha o‘rganildi.

Suhbatlar jarayonida tadbirkorlar tomonidan ilgari surilgan taklif va muammolar tinglanib, ularni hal etish bo‘yicha zarur choralar yuzasidan fikr almashildi.

 Shuningdek, faoliyatni yanada rivojlantirish uchun qanday imtiyoz va yengilliklar zarurligi bo‘yicha aniq takliflar shakllantirildi.

Bundan tashqari, hududda kambag‘allikni qisqartirish, aholi bandligini ta’minlash hamda daromad manbalarini kengaytirish masalalari alohida e’tiborga olindi. 

Har bir murojaat asosida manzilli ish olib borish, tadbirkorlikni qo‘llab-quvvatlash orqali aholining turmush darajasini yaxshilash ustuvor vazifa etib belgilandi.