Xalıq deputatları Taxtakópir rayonlıq Keńesi baslıǵı A.Reyov puqaralardıń múrájatları tiykarında áhmiyetli másele unamlı sheshdi.

"Eski Quwanısh jarma" kanalınıń "Taxtakópir" PPJ aymaǵınan ótiwshi bóleginde alıp barılǵan betonlaw jumısları artınan, burın islep turǵan nasos qayta ornatılmay qalıp ketkeni nátiyjesinde qıytaq jerlerdi suwǵarıwda qıyınshılıqlar júzege kelgen edi. Bul jaǵday xalıq arasında tiykarlı narazılıqlarǵa sebep boldı.

Bul mashqalanı saplastırıw maqsetinde deputat tárepinen ornına shıǵıp úyreniw jumısları alıp barılıp, rayon hákiminiń orınbasarına deputatlıq soraw jiberildi.

Kórilgen ilajlar nátiyjesinde nasos qayta ornına ornatılıp búgingi kúnde tolıq iske túsirildi. Endi puqaralar qıytaq jerlerin biymálel suwǵarıw imkaniyatına iye boldı.

Bunday ámeliy jumıslar xalıqtıń keypiyatına unamlı tásir kórsetip, mámleketlik uyımlarǵa bolǵan isenimin jáne de bekkemlemekte.