Uchrashuvdan ko‘zlangan asosiy maqsad — yoshlar yetakchisi tomonidan 2025-yilda amalga oshirilgan ishlar hamda 2026-yilda tashkil etilayotgan tadbirlar samaradorligini o‘rganishdan iborat bo‘ldi.

Muloqot davomida mahallada yoshlar bilan ishlash yo‘nalishida amalga oshirilayotgan ishlar, mavjud muammolar hamda kelgusidagi ustuvor vazifalar yuzasidan fikr almashildi.

Shuningdek, mahalla yoshlar yetakchisi mazkur lavozimga yaqinda tayinlanganligini inobatga olib, amalga oshirilgan ishlar va rejalashtirilgan tadbirlar yuzasidan batafsil ma’lumotlarni 6-aprel kuni yozma ravishda deputatga taqdim etishini ma’lum qildi.

Bundan tashqari, deputat mahalladagi nogironligi bo‘lgan fuqarolar bilan ham uchrashib, ularning holidan xabar oldi. Suhbat davomida ularning bandlik masalalari, mavjud muammolari va takliflari tinglandi hamda bildirilgan masalalar yuzasidan tegishli choralar ko‘rilishi ta’kidlandi.