#SESSIYA

Xalq deputatlari Payariq tumani Kengashining navbatdagi yigirma uchinchi sessiyasida Payariq tumani hududida “Xotira maydoni”ni tashkil etish to‘g‘risidagi masalasi ko‘rib chiqildi.

Sessiyada ta’kidlanganidek, yurtimiz mustaqilligi, tinchligi va ravnaqi yo‘lida jon fido qilgan ajdodlarimiz xotirasini abadiylashtirish, yosh avlod qalbida vatanparvarlik, milliy qadriyatlar va tarixga hurmat tuyg‘ularini mustahkamlash bugungi kunning dolzarb vazifalaridan biri hisoblanadi.

Shu maqsadda Payariq tumani hududida “Xotira maydoni”ni tashkil etish, ushbu maskanda Vatan himoyasi yo‘lida jon fido qilgan yurtdoshlarimiz xotirasini ulug‘lash, shuningdek, ularning jasorati va fidoyiligini yosh avlodga yetkazishga xizmat qiladigan yodgorliklar hamda ma’naviy-ma’rifiy tadbirlar o‘tkazish uchun sharoit yaratish masalalari muhokama qilindi.

🔰Bizni ijtimoiy tarmoqlarda kuzating:

Telegram (https://t.me/Payariqkengashkotibiyati) | Veb-Sayt| (https://kengash.gov.uz/news?region_id=7&authority_id=377)