Doimiy komissiya faoliyati Xalq deputatlari Uzun tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasining navbatdagi yig‘ilishida tuman Tibbiyot birlashmasi boshlig‘ining aholi salomatligini muhofaza qilish borasida amalga oshirgan ishlari to‘g‘risidagi hisoboti eshitildi.

Yig‘ilishda tuman Tibbiyot birlashmasi tomonidan aholiga ko‘rsatilayotgan birlamchi va ixtisoslashtirilgan tibbiy xizmatlar sifati, profilaktik tadbirlar samaradorligi, onalik va bolalikni muhofaza qilish borasidagi ishlar hamda yuqumli va surunkali kasalliklarning oldini olish yuzasidan amalga oshirilgan chora-tadbirlar atroflicha tahlil qilindi.

Yig‘ilish yakunida aholi salomatligini muhofaza qilish borasidagi ishlar samaradorligini yanada oshirish, tibbiy xizmat sifatini yaxshilash hamda aniqlangan kamchiliklarni bartaraf etish yuzasidan tegishli qarorlar qabul qilindi va mas’ullarga aniq vazifalar belgilab berildi.