Xotin-qizlar faoliyati: deputatning navbatdagi o‘rganishi

Xalq deputatlari Chinoz tumani Kengashi deputati Surayyo Axmedova Chinoz tumani "Afg‘on" MFYda bo‘lib, mahalladagi xotin-qizlar faoli Sohiba Anvarovaning ish faoliyati samaradorligini o‘rgandi.

O'rganish davomida xotin-qizlar faoli tomonidan mahalladagi ayollar bilan olib borilayotgan ishlar yuzasidan batafsil ma’lumot berildi. Ta’kidlanishicha, Afg'on MFY hududida jami 1 747 nafar ayol istiqomat qiladi. Mahalla faollari tomonidan olib borilgan manzilli ishlar natijasida ajrim yoqasida turgan 18 ta oila yarashtirilgan, hozirda esa 7 ta oila bilan individual tartibda profilaktik ishlari davom ettirilmoqda.

Deputat Surayyo Axmedova amalga oshirilayotgan sa’y-harakatlarni yuqori baholab, xotin-qizlar bilan ishlash borasida tizimli yondashuvni yanada kuchaytirish, muammolarni o‘z vaqtida aniqlash va ularning yechimiga ko‘maklashish bo‘yicha tegishli tavsiyalar berdi.