Qaraózek rayonı hákimliginde Ózbekstan Respublikası Oliy Majlisi Senatınıń Byudjet hám ekonomikalıq máseleler boyınsha komiteti hám Xalıq deputatları rayonlıq Keńesiniń qospa májilisi ótkerildi.

Májiliske Senattıń komitet baslıǵı E.Gadoev, komitet baslıǵınıń orınbasarı Q. Tursunov, Qaraqalpaqstan Respublikası Joqarǵı Keńesi, Ministrler Keńesi, ministrlikler, rayonlıq mákeme, shólkemler basshıları hám ǵalaba xabar quralları wákilleri qatnastı.

Májiliste Qaraózek rayonında bántlikti támiyinlew hám kámbaǵallıqtı qısqartıw baǵdarında belgilengen wazıypalardıń orınlanıwı keńnen kórip shıǵıldı.

Májiliste rayon aymaǵında jumıssızlıq hám kámbaǵallıqtı saplastırıw baǵdarında qarar hám mámleketlik baǵdarlamalardıń orınlanıw barısı talıqlanıp, tiyisli uyımlardıń esabatı, senator hám deputatlardıń pikir, usınısları tıńlanılıp, aldaǵı wazıypalar belgilendi.

Májilis sońında miymanlar rayondaǵı «Jańa Qaraózek» PPJ aymaǵında gidroponika usılında shólkemlestirilgen ıssıxana jumısları menen tanıstı.

Bunnan sońǵı mánzil «Mádeniyat» APJ bolıp, bul jerde "máhálle jetiligi" menen ushırasıp, aymaqtaǵı islenip atırǵan jumıslar hám imkaniyatlar boyınsha keńnen pikir alıstı.

Slide 1 of 13