Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat Y.Narbekov va O‘zbekiston “Milliy tiklanish” partiyasidan saylangan deputat F.Axmedov tomonlaridan tumandagi Sport maktabining jihozlanish holati, sport turlari bo‘yicha mashg‘ulotlar o‘tkazish uchun yaratilgan sharoitlar hamda zaruriy sport anjomlari bilan ta’minlanganlik darajasi o‘rganildi.

🟢O‘rganish davomida sport maktabida yoshlarning jismoniy salohiyatini rivojlantirish, ularni sportga keng jalb etish va turli sport turlari bo‘yicha muntazam mashg‘ulotlar olib borish uchun yaratilgan imkoniyatlar ko‘zdan kechirildi. Jumladan, sport maktabida gimnastika, kurash va boks mashg‘ulotlari uchun alohida zallar mavjudligi aniqlandi. Ushbu zallar sportchilarning mashg‘ulotlarni belgilangan tartibda olib borishi, o‘z mahoratini oshirishi hamda musobaqalarga tayyorgarlik ko‘rishi uchun xizmat qiladi.

🟢Shuningdek, sport maktabi hududida stadion mavjud bo‘lib, uning holati yaxshi ekani qayd etildi. Stadion sport mashg‘ulotlari, jismoniy tayyorgarlik mashqlari va sport tadbirlarini tashkil etish uchun muhim infratuzilma hisoblanadi. O‘rganish jarayonida sport maktabining zaruriy sport anjomlari bilan ta’minlanganlik holatiga ham e’tibor qaratildi. Mavjud sport jihozlari yetarli ekani, ular sport turlari bo‘yicha mashg‘ulotlarni tashkil etish uchun zarur sharoit yaratishi ta’kidlandi.

🟢O‘rganish yakunida mavjud imkoniyatlardan samarali foydalanish, sport inshootlari va jihozlarini asrab-avaylash, yoshlarni sportga keng jalb etish hamda mashg‘ulotlar sifatini yanada oshirish muhimligi qayd etildi.