Aholi salomatligini muhofaza qilish, mahallalarda sanitariya-ekologik barqarorlikni ta’minlash va hududlar tozaligini saqlash masalalari deputatlik nazoratining muhim yo‘nalishlaridan biridir.
Shu maqsadda Xalq deputatlari Termiz shahar Kengashi kotibiyati mudiri, deputat A.Ashurov hamda Kengashning 4-“Bo‘ston” saylov okrugi deputati G.Abramatova tomonidan “Bo‘ston” mahallasida navbatdagi nazorat-tahlil tadbiri o‘tkazildi.

O‘rganish davomida mahallaning Qirqiz ko‘chasida joylashgan maishiy chiqindilarni to‘plash nuqtasi va uning atrofidagi hudud ko‘zdan kechirildi. Natijada chiqindixona atrofi yetarlicha obodonlashtirilmagani, hududni tozalash va tartibga keltirish zarurligi aniqlandi.
Mazkur holat nafaqat ko‘cha ko‘rinishiga salbiy ta’sir ko‘rsatadi, balki sanitariya talablariga rioya etish va aholi uchun sog‘lom yashash muhitini yaratish masalasini ham dolzarb qiladi.

Aniqlangan kamchilik deputatning “Murojaat daftari”ga kiritildi. Muammoni bartaraf etish maqsadida mas’ul tashkilotlarga deputatlik so‘rovi yuborish, chiqindixona atrofini tozalash, hududni obodonlashtirish va sanitariya talablariga muvofiq tartibga keltirish yuzasidan tegishli choralar ko‘rilishi belgilandi.

Mazkur nazorat-tahlil tadbiri mahalliy Kengash deputatlari faoliyati uchun belgilangan “24 ta eng muhim yo‘nalish” doirasida amalga oshirildi.