Xalq deputatlari Qo‘qon shahar Kengashi deputati M.Axmedova tomonidan o‘z saylov okrugi hududiga qarashli “G‘alchasoy” mahalla fuqarolar yig‘inida Ijtimoiy reyestrga kiritilgan aholi xonadonlarida o‘rganish ishlari olib borildi.

O‘rganishlar davomida Sherqadam ko‘chasi 50-uyda istiqomat qiluvchi fuqaro I.Rasulova xonadoniga tashrif buyurilib, oilaning ijtimoiy sharoiti va mavjud ehtiyojlari o‘rganildi.

️Ma’lum bo‘lishicha, fuqaro hozirda bola parvarishi bilan band bo‘lib, oilaga bolalar nafaqasi tayinlangan. Shuningdek, oilani ijtimoiy qo‘llab-quvvatlash maqsadida “Saxovat va ko‘mak” jamg‘armasi tomonidan vaucher ajratilib, undan oziq-ovqat va kiyim-kechak mahsulotlarini xarid qilish uchun foydalanilgan.

O‘rganish davomida xonadonga ko‘rsatilayotgan ijtimoiy yordamlar holati ko‘zdan kechirilib, oilaning mavjud ehtiyojlari ham o‘rganildi. Deputat tomonidan xonadon holati nazoratga olinib, kelgusida zarur ko‘mak ko‘rsatish masalalari e’tiborda bo‘lishi belgilandi.

Xalq deputatlari Qo‘qon shahar Kengashi