O‘rganish davomida yangi joriy etilgan “Mahalla yettiligi” tizimining fuqarolar muammolarini manzilli hal etishdagi o‘rni hamda aholining mazkur tizimga bo‘lgan munosabati o‘rganildi.

 “Chamanzor” mahallasi aholisi bilan olib borilgan muloqotlar natijasida fuqarolar bilan eng yaqin aloqada bo‘lgan bo‘g‘inlar xotin-qizlar faoli va ijtimoiy xodim ekani qayd etildi.

 Ijtimoiy himoyaga muhtoj oilalar, homilador va emizikli ayollar ro‘yxatining to‘g‘ri yuritilishi, shuningdek, ularga davlat tomonidan ko‘rsatiladigan bepul tibbiy va ijtimoiy yordamlarning o‘z vaqtida yetib borishi “Mahalla yettiligi” faoliyatining muhim yo‘nalishlaridan biri sifatida qayd etildi.

 O‘rganishlar yakunida quyidagi takliflar ilgari surildi:

🔹 Mahalla hududidagi tibbiyot maskanlari va aholi gavjum joylarda maxsus “Emizish va bola parvarishi xonalari”ni tashkil etish;

🔹 Sun’iy bolalar oziq-ovqat mahsulotlari reklamasini nazorat qilishda mahalla faollarining jamoatchilik nazoratini kuchaytirish;

🔹 “Mahalla yettiligi”ning aholi bilan muloqotini yanada yaxshilash maqsadida raqamli platformalar orqali tezkor aloqa tizimini rivojlantirish.

🤝 Mazkur takliflar mahalla va fuqarolar o‘rtasidagi muloqotni mustahkamlash, aholining ijtimoiy himoyasini kuchaytirish hamda mavjud muammolarni manzilli hal etishga xizmat qiladi.