#doimiy_komissiya #ekspert_guruhlari

Xalq deputatlari Uchtepa tumani Kengashining III chaqiriq o'ttiz beshinchi sessiyasiga bag‘ishlangan doimiy komissiya yig‘ilishi

🇺🇿 Xalq deputatlari Uchtepa tumani Kengashining Ijtimoiy sohalar, yoshlar siyosati, madaniyat va sport masalalari bo‘yicha doimiy komissiyasining navbatdagi yig'ilishi bo'lib o'tdi. Unda:

✍️ "Uchtepa tumani sanitariya epidemiologik osoyishtalik va jamoat salomatligi xizmati tomonidan 2026-yilning birinchi yarim yilligida amalga oshirilgan ishlari to‘g‘risida" Uchtepa tumani sanitariya epidemiologik osoyishtalik va jamoat salomatligi xizmati rahbari A.Xasanovning hisoboti eshitilib, muhokama qilindi hamda atroflicha ko‘rib chiqildi.

🫥 Doimiy komissiya raisi Saodat Dusmuxamedova hamda doimiy komissiya a’zolari — I.Abdullayev hamda Z.Xaydarovalar hisobotni tinglab, tumanda sanitariya-epidemiologik osoyishtalikni ta’minlash, aholi salomatligini muhofaza qilish, yuqumli kasalliklarning oldini olish hamda sanitariya-gigiyena talablariga rioya etilishi yuzasidan savollar berdilar.

📈 Savol-javoblar jarayonida aholi o‘rtasida sanitariya madaniyatini oshirish, yuqumli va parazitar kasalliklarning profilaktikasini kuchaytirish, ichimlik suvi va oziq-ovqat mahsulotlarining xavfsizligini ta’minlash, atrof-muhitning sanitariya holatini yaxshilash hamda sanitariya me’yorlariga rioya etilishi ustidan nazoratni kuchaytirish masalalari muhokama qilindi.

🕯 Shuningdek, tumandagi ijtimoiy soha obyektlari, umumiy ovqatlanish va savdo shoxobchalarida sanitariya talablariga rioya etilishi, aniqlangan kamchiliklarni bartaraf etish, profilaktik tadbirlarni tizimli tashkil etish hamda aholi salomatligiga xavf tug‘dirishi mumkin bo‘lgan omillarning oldini olish yuzasidan taklif va tavsiyalar bildirildi.

💼 Mazkur doimiy komissiya yig'ilishida xalq deputatlari Uchtepa tumani Kengashi huzuridagi ekspert guruhi a’zolari, tuman Kengashi kotibiyati mudiri A.Usmanov va U.Abilovlar ishtirok etdilar. Muhokamalar yakunida doimiy komissiya deputatlari tomonidan mazkur masalani sessiya kun tartibiga kiritish yuzasidan qarorlar qabul qilindi.

✅ Mazkur masala tumanda sanitariya-epidemiologik osoyishtalikni ta’minlash, aholi salomatligini muhofaza qilish, yuqumli kasalliklarning oldini olish, sanitariya-gigiyena talablariga rioya etilishini ta’minlash hamda profilaktik tadbirlarning samaradorligini oshirishga qaratilgan tizimli ishlarni yanada takomillashtirishga xizmat qiladi.