Xalq deputatlari tuman Kengashi deputatlari Y.Berdiyarov, N.Turdiyev hamda Andijon mahallasining faol nuroniysi To‘g‘il ota ishtirokida Andijon MFY binosida olib borilgan qurilish-ta’mirlash ishlari o‘rganildi.

O‘rganish jarayonida ayrim qurilish-ta’mirlash ishlari sifatsiz bajarilgani aniqlandi. Xususan, binoning pol qismi sifatsiz bo‘yalgan bo‘lib, bu holat yangi ta’mirlangan binoning umumiy ko‘rinishi va ko‘rkiga salbiy ta’sir ko‘rsatayotgani qayd etildi.

Aniqlangan kamchiliklarni bartaraf etish, bajarilgan ishlar sifatini qayta ko‘rib chiqish hamda binoni foydalanishga topshirishdan oldin barcha nuqsonlarni to‘liq tuzatish bo‘yicha tegishli tavsiyalar berildi.