Xalq deputatlari Pastdarg‘om tumani Kengashining Korrupsiyaga qarshi kurash va xavfsizlik masalalari bo‘yicha doimiy komissiyasi ishchi guruhi tomonidan O‘zbekiston Respublikasi Vazirlar Mahkamasining 2021-yil 13-martdagi 134-son “Davlat tashkilotlari xodimlarining huquqiy savodxonligini yanada oshirish chora-tadbirlari to‘g‘risida”gi qarori ijrosini o‘rganish bo‘yicha hududlarda amaliy ishlar davom ettirilmoqda.

🔎 Shu doirada tuman Kengashi deputatlaridan iborat ishchi guruh tomonidan Pastdarg‘om tuman Pensiya jamg‘armasi bo‘limida o‘rganish ishlari olib borildi.

📚 O‘rganish davomida xodimlarning huquqiy savodxonligini oshirish bo‘yicha tashkil etilgan ishlar, huquqiy o‘quv va tushuntirish mashg‘ulotlarining muntazamligi, yangi qabul qilingan qonunchilik hujjatlarining xodimlarga yetkazilishi hamda elektron platformalardagi o‘quv materiallaridan foydalanish holatiga e’tibor qaratildi.

📌 Shuningdek, xodimlarning huquqiy bilimlarini baholash, mavjud kamchiliklarni aniqlash va ularni bartaraf etish bo‘yicha tegishli tavsiya va takliflar bildirildi.

🤝 Mazkur o‘rganishlar davlat tashkilotlarida qonuniylikni mustahkamlash, xodimlarning huquqiy bilimlarini yuksaltirish hamda qonunchilik talablariga rioya etish samaradorligini oshirishga qaratilgan.