30-“CHUSTIY” SAYLOV OKRUGIDA FUQAROLAR MUROJAATLARI O‘RGANILDI

📍Xalq deputatlari Olmazor tumani Kengashi deputati Baxriddin Nurmatov tomonidan 30-“Chustiy” saylov okrugi hududida mahalla yettiligi vakillari hamda fuqarolar bilan uchrashuv o‘tkazildi. Unda kotibiyat bosh mutaxassisi B.Xoliqjonova va Olmazor tumani hokimligi vakillari ishtirok etdi.

⚡️Uchrashuv 24 ta tavsiya asosida tashkil etilib, hududda yo‘l va kommunal infratuzilmani yaxshilash, podyezd yo‘laklari, podval, elektr va gaz ta’minoti, obodonlashtirish hamda “Yashil makon” loyihasi doirasida amalga oshirilgan ishlar yuzasidan murojaatlar tinglandi.

📝 O‘rganish yakunida ko‘chaboshilar, domkomlar va mahalla faollari bilan ochiq muloqot o‘tkazilib, mahalla va ko‘chalardagi mavjud muammolar, aholining taklif hamda murojaatlari tinglandi. Aniqlangan kamchiliklarni bartaraf etish, obodonlashtirish va sanitariya-tozalik ishlarini tizimli tashkil etish bo‘yicha tegishli tavsiyalar berildi hamda “Deputatning ko‘chama-ko‘cha daftari”ga qayd etildi.

🤝 Deputat Baxriddin Nurmatov hududdagi masalalarni joyida o‘rganish, aholi bilan bevosita muloqot qilish hamda ko‘tarilgan muammolarning amaliy yechimini ta’minlash deputatlik nazoratining muhim yo‘nalishlaridan ekanini ta’kidladi.

🌳 “Obodonlik va mehr-saxovat oyligi” doirasidagi bunday o‘rganishlar mahallalarda ozoda, obod va farovon muhit yaratishga xizmat qiladi.

👇 Bizni ijtimoiy tarmoqlarda kuzatib boring!