Fuqarolar murojaatlari – davlat organlari faoliyatining muhim mezoni

Fuqarolarning murojaatlari bilan ishlash tizimini yanada takomillashtirish maqsadida Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuniga oʻzgartish va qoʻshimchalar kiritish haqidagi Qonuni Qonunchilik palatasi tomonidan 2017-yil 15-avgustda qabul qilinib, Senat tomonidan 2017-yil 24-avgustda maʼqullangan.

Mazkur qonun fuqarolar va yuridik shaxslarning murojaatlarini ko‘rib chiqish tizimini yanada takomillashtirish, murojaatlarni o‘z vaqtida, xolis va qonuniy ko‘rib chiqishni ta’minlash hamda davlat organlari va tashkilotlarining murojaatlar bilan ishlash borasidagi mas’uliyatini kuchaytirishga xizmat qiladi.

Har bir fuqaro davlat organlariga og‘zaki, yozma yoki elektron shaklda murojaat qilish huquqiga ega. Murojaatlar belgilangan tartib va muddatlarda ko‘rib chiqilishi hamda ularning natijalari yuzasidan asoslantirilgan javob berilishi qonun bilan kafolatlangan.

Fuqarolar murojaatlariga e’tibor — inson manfaatlarini ta’minlash, ochiq muloqotni rivojlantirish va davlat organlari faoliyati samaradorligini oshirishning muhim omilidir.