Shımbay rayonı Densawlıqtı saqlaw bólimi xızmetkerleri arasında "Jawızlıqqa qarsı aǵartıwshılıq" súreni astında ilaj bolıp ótti.

⚡️Ilajda Ózbekstan Respublikası Din isleri boyınsha komitetiniń Shımbay rayonı boyınsha bas qánigesi M.Berdimuratov, "Adolat" social-demokratiyalıq partiyası Shımbay rayonlıq bóliminiń baslıǵı, Xalıq deputatları Shımbay rayonlıq Keńesiniń deputatı S.Abdievalar qatnastı.

Bunda:
- Diniy keńpeyillik hám milletleraralıq tatıwlıqtı bekkemlew;
- Diniy dogmatizm, ekstremizm menen baylanıslı qáwiplerdiń aldın alıw hám diniy tarawda ámelge asırılıp atırǵan mámleketlik siyasattı túsindiriw;
- Missionerlik hám prozilitizm menen baylanıslı unamsız jaǵdaylardı saplastırıw hám hayal-qızlar arasında milliy úrp-ádet;
- Dástúr hám qádiriyatlarımızǵa tán bolmaǵan "batıs," "túrk," "arab" hám basqa milletlerdiń kiyiw mádeniyatına eliklewdiń aldın alıw;
- Jaslardıń internet tarmaqlarınan aqılǵa muwapıq túrde paydalanıwı hám Biz jámiette hár qanday radikallasıwdıń aldın alıw haqqında túsindiriw jumısları alıp barıldı. Ushırasıwda Ózbekstan Respublikasınıń 699-sanlı Rejesi hám 2025-jıl 25-fevral kúngi Ózbekstan Respublikasında puqaralardıń hújdan erkinligin támiyinlew hám diniy tarawdaǵı mámleketlik siyasat koncepciyasın tastıyıqlaw haqqındaǵı 1037-sanlı nızamı menen jaqınnan tanıstırıldı.