Xalq deputatlari Paxtakor tumani Kengashi deputati M.Xasamiddinov o‘z saylov okrugidagi Oqbuloq mahallasida fuqarolar xonadonlarida bo‘lib, uy-joylarni ta’mirlash va obodonlashtirish holati bilan tanishdi.

Tashrif davomida xonadon egalari bilan suhbatlashilib, ularning yashash sharoitlari o‘rganildi. Uylarni ta’mirlash, hovli va xonadon atrofini tartibga keltirish, tozalikni ta’minlash hamda obodonlashtirish ishlarini amalga oshirish yuzasidan fuqarolarga tegishli tavsiyalar berildi.

Shuningdek, xonadonlarni imkon qadar zamonaviy va ko‘rkam holga keltirish, ko‘kalamzorlashtirish ishlarini olib borish hamda ko‘cha va hovli atrofi ozodaligiga e’tibor qaratish lozimligi ta’kidlandi.

Mahallalarni obod qilish va aholining yashash sharoitlarini yaxshilash borasidagi ishlar izchil davom ettirilmoqda.