Korxonadagi ishchi-xodimlar uchun yaratilgan mehnat sharoitlari, mehnatni muhofaza qilish talablariga rioya etilishi, sanitariya-gigiyena holati hamda xodimlar uchun yaratilgan ijtimoiy sharoitlar o‘rganildi. 

Shuningdek korxonada ekologiya, atrof-muhitni muhofaza qilish, tabiiy resurslardan oqilona foydalanish, chiqindilarni boshqarish va hududning ekologik holatini yaxshilash borasida amalga oshirilayotgan ishlar yuzasidan ham atroflicha fikr almashildi. Mavjud holat tahlil qilinib, ayrim yo‘nalishlarda ishlarni yanada takomillashtirish yuzasidan tavsiyalar berildi. 

Mazkur o‘rganishda xalq deputatlari Uchko‘prik tumani Kengashi kotibiyati mudiri Laziz Turanov hamda EKO partiyasi Uchko‘prik tuman
Kengashi raisi Abdulg‘ofur Axmadjonov ishtirok etdi. 

Deputatlik nazorati tadbirlari hududlarda qonun hujjatlari ijrosi, fuqarolar manfaatlarini ta’minlash hamda ekologik barqarorlikni mustahkamlashga xizmat qilmoqda. 

  Xalq deputatlari Uchko‘prik tumani Kengashi