“Keneges” OFY 4-Keneges saylov okrugi hududida aholi bilan uchrashuvlar davom etmoqda.
Xalq deputatlari Taxiatosh tumani Kengashiga Oʻzbekiston Ekologik partiyasidan saylangan deputat Abduraxmanova Nafisa Alimovna Kotibiyat bosh mutaxassisi D.Xodjanov bilan birgalikda navbatdagi manzil — Jasorat ko‘chasida fuqarolar va ko‘chaboshilar bilan uchrashdi.

🚧 Uchrashuvda “Keneges” kanali bo‘yidan Jasorat va Sharq yulduzi ko‘chalarigacha, shuningdek, ushbu ko‘chalardan temir yo‘lga qadar bo‘lgan ichki yo‘llarni chig‘anoqtosh (Ракушка) bilan to‘ldirish va tekislash masalasi ko‘tarildi.

👨‍👩‍👧‍👦 Mazkur yo‘llardan nafaqat aholi, balki maktab o‘quvchilari ham har kuni qatnab yurishi ta’kidlandi. Ayniqsa, yog‘ingarchilik kunlarida yo‘llarning loy bo‘lib ketishi piyodalar va avtomobillar harakatini sezilarli darajada qiyinlashtirayotgani qayd etildi.

🌿 Shuningdek, “Mahallada obodlik va mehr-oqibat oyligi” doirasida hududni obodonlashtirish, ko‘kalamzorlashtirish va mavjud muammolarni hamjihatlikda hal etish bo‘yicha takliflar bildirildi.

📝 Fuqarolar tomonidan ko‘tarilgan masalalar deputatning hududdagi muammolarni qayd etish daftariga kiritilib, yo‘l holatini yaxshilash bo‘yicha amaliy yechimlarni belgilash yuzasidan tegishli ishlarni davom ettirishga kelishib olindi.